olim lupus ingens et ferox in silva prope Gubbionem habitabat. lupus oppidanos terrebat, nam etiam viros fortes agitabat. nemo ex urbe discedebat, quod omnes perterriti erant.

Sanctus Franciscus, vir pius et notissimus, postquam de lupo audivit, statim ad Gubbionem contendit. ubi ad urbem pervenit, oppidani ei dixerunt, "mane in urbe! noli e porta exire! tu es insanus!" sed Franciscus e porta exiit et ad silvam festinavit! agrum transivit, ubi multa ossa humana erant.

tandem ad silvam pervenit, et lupum conspexit. ubi lupus eum petivit, Franciscus constitit et clamavit, "O bestia, in nomine Christi, ego te iubeo: oppidanos desine oppugnare! eos desine terrere!" statim lupus recubuit et Franciscum lambebat! tum Franciscus promisit, "in futurum, oppidani cibum tibi daturi sunt."

postea, lupus numquam oppidanos petebat, sed ad villas et tabernas ambulabat, et semper oppidani laeti cibum ei dabant.

Gubbio, Gubbionem = Gubbio, a town in Italy

oppidani = townspeople

pius = holy, religious

ei = to him

mane! = stay!

noli exire! = don’t go out!

ager, agrum = field

ossa humana = human bones

consistit = stands his ground, stands firm; constitit

in nomine Christi = in the name of Christ

desine oppugnare! = stop attacking!

promittit = promises; promisit

in futurum = in future

daturus = going to give